Мадярьска влада і тот рік дасть 100 000 форінтів, коло 253 евр, каждому школярьови і штудентови в сусідніх країнах, включно Словакії, як підпору на початок школьского року в школах з мадярьскым навчальным языком. Підпору посередництвом Фундації Ґабора Бетлена дістануть школярі основных і середніх школ, як і штуденты высокых школ. В країнах карпатьского басейну мімо Мадярьска є так підтримованых у освіті в мадярьскім языку 225 000 дітей, пише мадярьскый сервер eduline.hu, подля котрого мадярьска влада ку школярям у властній країні не є така щедра.

(Медвідь, TASR)