Мадярьскы озброєны силы в рамках проґраму модернізації армії куплять в слідуючім періоді гелікоптеры, танкы і артілерію. Інформовав о тім у понедільок міністер обороны Тібор Бенко. Як повів шеф резорту на засіданю колеґії верейной справы Гайдуцько-бігарьской жупы, штири легкы гелікоптеры значкы Airbus буде мати армія до кінця рока. Далшых 16 середньой катеґорії бы мали быти доданы в році 2023. Мадярьско далше купить 44 німецькых танків Leopard ці 24 кусів артілерії. Подля міністра ку вытворіню модерных озброєных сил потребує Мадярьско 30 тісяч професіоналных вояків і 20 тісяч добровольників. Підкреслив, же Мадярьско ся не рихтує на войну, але на сохраніня міру.

(Медвідь, TASR)