Палестиньскый презідент Магмуд Аббас одмітнув міровый план, котрый у вівторок представив америцькый презідент Доналд Трамп. Аббас обіцяв, же тот план “неперейде“, інформувала аґентура AFP. Трамп  на сполочній пресконференції з ізраїльскым премєром Бенйаміном Нетанйагуом  в Білім домі, на котрім небрали участь ниякы палестиньскы представителі, запропонував взник палестьского штату як часть свого мірового плану про Близькый Выход. Вісемдисятьсторинковый документ предпокладать, же Єрузалем небуде розділеным главным містом  Ізраїля. Трамп шак єдночасно повів, же выходный Єрузалем мать потенціал быти главным містом палестиньского штату. Абы палестиньскый штат взникнув, мусять шак Палестинчане найперше узнати Ізраїль як жыдовскый штат. (TASR, Pkf)