Ліґа арабскых штатів в неділю потвердила обіцянку з апріла того року выплачати Палестиньскій самосправі місячні коло 87,5 міліонів евр і подробила критиці господарьску пропозицію США, інформувала о тім аґентура AFP. Міністры фінанцій з арбскых країн на стрічі в Кагірі обновили обіцянку, котра мать даным выголошіньом за ціль посилнити бютжет Палестиньскій самосправі, котра противостоїть фінанчным тяжкостям.  Білый дом в суботу опубліковав господарьску пропозицію, котра бы могла вызберати про Палестинчанів вецей як 43,87 міліярд евр і вытворити про них  в часі десятьох років аж міліон робочіх місць. Шефове резорту фінанцій Ліґы арабскых штатів так само критизували Ізраїль за зморожіня фінанчных средств з фондів призначеных про Палестиньску самосправу. (TASR, Пкф)