Ліхтенштайнско вчера з нагоды штатного свята офіціално ославльовало 300-те выроча свого взнику. Алпске кнєжатство вытворене меджі Швейцарійов і Ракуском є шестов найменшов країнов на світі з 38.000 обывателями. Лідер країны, кнєжа Ян-Адам ІІ., зорґанізував перед своїм градом выбудованым над мостом Вадуз про обывателів святочну церемонію, інформує о тім аґентура Reuters. „Наша країна патрить меджі найбезпечнішы місця на світі. Правный порядок є ту певні настоленый. Лем тяжко існує інша країна, де може єднотливець засягувати до політикы так як ту. Маме  єдну з найвекшых жывотных уровні на світі,“ повів то  в часі церемонії дідічный прінц Алоіс, назначуючі на факт, же країна была перед тристо роками лем бідным оддаленішым місцьом. (TASR, Пкф)