Лідры Европской унії на міморяднім саміті в Бруселі у віторок скоро рано досягли договор о сумі паклику про уратованя економікы по пандемії і о розрахунку Унії на період років 2021 аж 2027 в безпрецедентній цілковій сумі 1,82 біліона евр. Інформовали о тім жрідла з Унії, на котры ся пак одкликовали пресаґентуры. Лідры 27-ох членьсых держав наконець нашли згоду, по штирьох днях і штирьох ночах їднань. Были согласны з фондом обновы по пандемії в сумі 750 міліард евр, котры собі у формі ненаверталных ґрантів і выгодных пожычок розділять країны твердо постижены пандемійов. Окрім того лідры досягли і договор о сімрічнім розрахунку Унії в сумі єдного біліона евр. „То історічный день про Европу,“ повів у выголошіню французькый презідент Еммануел Макрон.

(Медвідь, TASR)