Лідром Партії европскых соціалістів (PES) у вольбах до Европского парламенту з можливостьов кандідовати на посаду председы Европской комісії буде сучасный підпредседа екзекутівы Европской унії Франс Тіммерманс. В понедільок то потвердив Словацькый еврокомісарь Марош Шефчовіч, котрый сам мав о тоту функцію інтерес. Европскы соціалісты не таїли ся планом доїднати ся на єднім із тых двох мен іщі перед конґресом партії, котрый буде проходити кінцьом місяця в Лісабоні. Понедільковым рішіньом о два дні передбігли Европску людову партію (EPP), котра свого волебного лідра, тзв. шпіценкандітата, выбере в середу на зъїзді делеґатів партії в Гелсінках.
(TASR, Медвідь)