Председа Европской рады Шарлс Мішел в понедільок інформовав, же лідеры Арменії і Азербайджану будуть в неділю їднати в Бруселі о намагах досягнути мірный договор о їх теріторіалнім спорі о Нагорный Карабах. Мішел потвердив, же буде гостити армяньского премєра Ніколу Пашінъяна і азербайджаньского презідента Ілгама Алієва. Діскусії будуть мати шыршый розмір, бо будуть збогачены о стрічу з французькым презідентом Еммануелом Макроном і німецькым канцеларьом Олафом Шолцом. В тім форматі проїднають і темы слідуючого саміту Европского політічного общества, котрый одбуде ся 1-го юна в Молдавії.

(Медвідь, TASR)