Bілоруськый презідент Александер Лукашенко бере за неминуче, жебы в слідуючіх пятьох роках проходив референдум о конштітучных змінах. Твердить то у своїм предволебнім проґрамі, з котрого у віторок цітовала аґентура ТАСС. Сучасный презідент у своїм проґрамі далше пише, же в такім цілодержавнім референдумі будуть мати Булорусы можность становити свої права, повинности, одповідности ці слободы, як і компетенції державных орґанів.  Презідентьскы вольбы в Білоросії будуть в неділю 9-го авґуста. Окрім Лукашенка Централна волебна комісія зареґістровала і далшых штирьох кандідатів. Двох кандідатів зареґістровати не хотіла, єдного з них, Віктара Бабарыка, увязнили коротко по тім, што оголосив, же хоче кандідовати.

(Медвідь, TASR)