Лодька із 131 сірскыма міґрантами на палубі доплавала к Ціпру.
00
Лодька із 131 сірскыма міґрантами на палубі доплавала в понеділок к северозападным берегам Ціпру. Інформувала о тім ціперска поліція, пише аґентура AP. К 20-метровій лодьці, котру збачіли ціперскы орґаны в понеділок скоро рано, была выслана шыфа наморной поліції, абы лодьку привела до приставу. На його палубі было 118 мужів, девять дітей і четверо жен. Берегы Северного Ціпра находять ся лем 65 кілометрів од южного берега Турції, одкыль за інформаціями ціперскых представителів приходить векшына міґрантів. На острові Ціпрус з 850.000 обывателями днесь жыє в переповненых таборах коло 20.000 міґрантів. (TASR, Pkf)
-
Назад / Nazad 17 людей прийшло о жывот при аварії автобусу в Непалі
-
Далше / Dalše Предчасныма парламентныма вольбами в Іспанії одбудуть ся 10-го новембра