Покля бы Росія выграла у войні на Україні, безпечность, стабіліта і просперіта Чеськой републікы бы значно потерпіли. Пожертвованьом Україны Росії собі Запад не забезпечіть мір, але огрозить свою безпечность. На пораді чеськых амбасадорів в Чернінскім палаці то в понедільок повів чеськый міністер загранічных діл Ян Липавскый, інформує TASR. Прімарным народным інтересом Чехії подля шефа діпломації зіставать перемога Україны, затримованя Росії і захованя платности прінціпів Харты Орґанізації зъєдиненых народів. При забезпечіню безпечности Чехії Липавскый означів незамінну роль НАТО і трансатлантічного партнерства.

(Медвідь, TASR)