Шефка Европской комісії Урсула фон дер Леєнова послала четверь чеській владї лист, в котрім зась вызвала, жебы штаты на еврокомісарїв номіновали хлопа і жену. На соціалній сїтї X то потвердив чеськый уряд влады. Чехія наперек єй вызві, котру державам адресовала такой по своїм зволїню, номіновала лем хлопского кандідата, інформує о тім справодайкыня TASR в Празї. Кабінет Петра Фіалу подля выражіня уряду влады в середу вырїшыв в згодї з платныма змлувами о номінації міністра промыслу і обходу Йосифа Сікелу, о чім фон дер Леєнову подля своїх слов обратом інформовав. ,,Ку днешнёму дню ся выразило 11 з 27 країн, у вшыткых припадах быв номінованый лем єден кандідат,“ підкреслив уряд влады, чім реаґовав на вопросы медій, чом Чехія не акцептовала жадость шефкы комісії а номіновала лем хлопа.

(TASR, Шутіова)