Ґеройство Ленінґрадчанів, котры в перебігу націстичного обключіня тырваючого од осені 1941 до януаря 1944 заховали културны цінності свого міста, є добрым прикладом і про Ірачанів. Выголосив то Ірацькый посол в Москві Гайдар Гаді, котрого днесь цітовала аґентура ТАСС. Його высловліня прозвучало на вчерайшім одкрыті выставі „Од Бабілоні по Баґдад: Модерна мальба Іраку“ в московськім Штатнім музею орієнталного уміня. Гаді припомянув, же терорісты з орґанізації Ісламскый штат зохабили в тых частях країны в котрых пару років пановали знічены гісторічны памяткы. Выразыв тыж пересвідченя, же його країна обновить свою пошкоджену културну дідовизню так, як то уробили Ленінґрадчане по скінченю обключіня.
(ТАSR)