Лаґардова: Крізовы крокы ЕЦБ суть адекватны
Шефка Европской централной банкы Хрістіне Лаґардова в понедільок перед выбором Европского парламенту про господарьскы і валутовы справы обгайовала проґресівны монетарьны стімулы, котры банка прияла в реакції на пандемію. Означіла їх за адекватны різіку, перед котрым стоїть еврозона. Єден з проґрамів накупліня актів спохыбнив німецькый конштітучный суд, котрый дав банці три місяці, жебы обгаїти тот крок, іншак на нім Німецька централна банка не буде годна взяти участь. Но тот проґрам є старшый і быв спущеный іщі перед коронакрізов. Лаґардова вердікт німецького суду у своїм выступліню не спомянула, но підкреслила, же Европска централна банка при вырішованю взяла до відома „адекватность“ і зорбила собі „аналізу вытрат і здобытків“, што были два ключовы терміны вердікту німецького суду.
(Медвідь, TASR)
- Назад / Nazad В Польщі заперають бані про коронавірус
- Далше / Dalše Унія орґанізує гуманітарьну поміч про Конґо