Російскый міністер загранічных діл Серґей Лавров в понедільок стрітив ся в Єрусалимі з ізраільскым премєром Бенъяміном Нетанъягу на розговорах, котры были заміряны на іраньску присутность у Сірії. Інформовала о тім аґентура Associated Press. Подля аґентуры є головным інтересом Ізраіля, жебы были іраньскы силы підтримуючі в сірійскій войні Асада, штонайдале од граніць жыдівской державы, што дотулять ся і Тегераном підтримованых бойовників лібаноньского руху Гізбаллаг і іншых міліцій. Росія, ключовый союзник Асада, вже звернула увагу, же бы было нереалне очековати, же ся Іран цалком стягне зо Сірії. Понедількова стріча пришла лем два тыждні по тім, як ізраільскый премєр і Владимір Путін їднали о Сірії і Ірані в Москві.
(Медвідь)