Кітай хоче, абы Европска унія (ЕУ) зрушыла дочасны цла на кітайскы електрічны авта до 4-го юла, кідже ся обідвоє партнеры договорили на зачатю їднаня. Увів то днесь штатом контрольованый денник Global Times. Інформує о тім аґентура  Reuters. Дочасны цла ЕУ аж до вышкы 38,1% на електромобілы выроблены в Кітаю бы мали зачати платити од 4-го юла. Досліджуваня надміру і несправодливых дотацій про кітайскых выробців електричных авт буде в ЕУ продовжувати до 2-го новембра і выслідком можуть быти конечны цла, звычайно на пять років. (TASR, Pkf)