Кітай у віторок выголосив, же о інформації о хвороті Covid-19 поділив ся із Світовов здравотницьков орґанізаційов „без будьякого затайованя“. Высловы Пекіна пришли по тім, як Світова здравотницька орґанізація вызвала Кітай, жебы дав веце інформацій в інтересі зрозуміня походжіня той хвороты, пише аґентура AFP. Covid-19, котрый першый раз появив ся в середньокітайскім місті Ву-хан перед пятьома роками, собі подля AFP выжадав міліоны мертвых, овпливнив економікы і ослабив сістему здравотництва у світі. Світова здравотницька орґанізація в понедільок публіковала выголошіня, в котрім ся пише, же про Кітай бы было „моралным і науковым імператівом“ поділити ся о веце інформацій.

(Медвідь, TASR)