Северокорейскый вождь Кім Чонґ-ун загнав російскому презідентови Владимірови Путінови новорічне поздоровліня. Обовязав ся в нім посилнити білатералну співпрацу країн, інформовали у віторок северокорейскы державны медії. Кім у поздоровліню выголосив, же 2025-ый рік стане першым роком в 21-ім столітю, в котрім Росія припише собі перемогу у войні проти неонацізма, інфомровала аґентура KCNA. Кім єдночасно высловив приготовленость далше укріпляти комплексне стратеґічне партнертво Северной Кореї і Росії посередництвом новых проєктів на посилніня обидвох народів. Северокорейскый вождь загнав Путінови писмо в часі, коли країны проглюблюють воєньскы, господарьскы, але і далшы звязы.

(Медвідь, TASR)