Северокорейскый вождь Кім Чонґ Ун недавно запросив папу римского Франціска на навщіву Пхонъянґу. Днесь то оголосив югокорейскый презідентьскый уряд в Соулі, на котрый одкликала ся пресова аґентура Jonhap. „Председа Кім повів, же папу привітать із надхненьом, покля навщівить Пхонъянґ,“ повів говорця Синього дому, уряду югокорейскых презідентів, на бріфінґу, кедь інформовав о плані презідента Мун Че Іна навщівити слідуючій тыждень Европу. В рамках той пути має заставити ся і у Ватікані. Мун на стрічі із папом передасть тот одказ вождя Северной Кореї, додав презідентів говорця.
(Медвідь, TASR)