Лідер Северной Кореї Кім Чонґ-ум ся выдав на путь до Росії, де ся стрітне з російскым презідентом Владіміром Путіном. Інформувала о тім аґентура AFP з одкликаням ся на северокорейскы штатны медія. Кім, котрого спроваджать делеґація на найвысшій уровні, путує до Росії своїм шпеціалным влаком. Найвысшы представителі Северной Кореї і Росії ся стрітнуть завтра в місті Владівосток на російскім Далекім выході. Як інформувала аґентура  TASS, главнов темов їднаня буде денуклеарізація Корейского півострова і забезпечіня безпечности про область юговоходной Азії. (TASR, Pkf)