Найвекшым проблемом, котрому Україна противостоїть в часі боя проти Росії, є страх союзників з ексалації конфлікту при одобрюваню новых поступів на підпору Україны. Выголосив то україньскый міністер заграничных справ Дмитро Кулеба. Інформує  о тім аґентура Reuters. Высше два а пів рока од зачатку інвазії Росії на Україну тискать Києв на Запад, абы му дав зброю з довгым досягом і дав му поволіня поужыти їх на засягуваня цілів, котры лежать глубоко на теріторії Росії. Жадать тыж о поміч при зострілюваню приходжаючіх ракет. Шеф російской діпломації Серґей Лавров у вівторок повів, же Запад ся грать з огньом, кедь уважує о тім, же бы Києву дозволив атаковати на цілі глубоко в Росії. Єдночасно варовав перед третьов світовов войнов. (TASR, Pkf)