Петра Мадяра, найсилнішого крітіка влады мадярьского премєра Віктора Орбана, зволила вална громада мімопарламентной партії TISZA за їй председу. Мадяр о тім інформовав в понедільок на сіті Facebook. Мадяр став публічно знамов особов по розкрытю аферы в припаді амнестії в педофілній кавзі. У фебруарі з той причіны одступила презідентка Каталін Новакова. Мадярова популарность скоро росла і зорґанізовав веце масовых противладных протестів в Будапешті і в далшых містах. В кампани перед евровольбами Петер Мадяр назначовав, же бы радше зістав у Мадярьску і заміряв ся на творіня фундаментів, вдяка котрым бы ся дав перемочі Орбан в найблизшых парламентных вольбах у 2026-ім році. Наперек тому собі по зволіню перевзяв мандат евродепутата.

(Медвідь, TASR)