За увеличены означів Кремель тверджіня новозволеного америцького презідента Доналда Трампа, же годен зо дня на день закончіти войну на Українї. Тот конфлікт подля Кремля доісна ніч не може вырїшыти так скоро. ,,Вшыткы сі памятаме, же Трамп іщі перед інавґураціёв мав прийти з пропозіціями, котры бы вырїшыли україньску крізу. Самособов, ёго вырокы о тім, же то докаже зробити зо дня на день, суть істым способом перегнаны,“ повів говорця російского презідента Дмітрій Песков. Зарівно выразив пересвідчіня, же кедь ся нова америцька адміністратіва під веджінём Трампа ,, буде намагати о мір намісто конфлікту“, доісна сі буде почінати лїпше як єй передходцёве.

(TASR, Шутіова)