Брітаньска кральовна Єлизавета ІІ. вызвала в понедільок на кліматічнім саміті Орґанізації зъєдиненых народів світовых лідрів, жебы проявили „досправдове штатницьтво“ і вытворили „безпечнішу, стабілнішу“ будучность про нашу планету. Кральовна то повіла у відеопосолстві адресованім делеґатам саміту. Голова Споєного кральовства повіла, же многы люди надіяють ся, же намісто слов вже теперь „пришов шас на чіны“. Світовых лідрів владарька вызвала, жебы при своїм діяню думали на слідуючі ґенерації і повзнесли ся над сучасну політічну сітуацію, інформовала станіця BBC.

(Медвідь, TASR)