Косовска влада у віторок пожадала Североатлантічну аліанцію, жебы ускорила процес, котрый уможнює членство Косова в НАТО. Інформацію принесла аґентура Associated press. Косовскы представителі ся боять засягів Росії, котры бы Москва могла зреалізовати через свого союзника Сербію. По російскій інвазії є подля косовского міністра обороны ускоріня членства Косова в НАТО безпосереднов потребов, жебы ґарантовати безпечность і стабіліту в реґіоні і мімо нього. Словацька републіка вєдно з далшыма штирьома країнами Европской унії – Іспанійов, Ґреційов, Кіпром і Румунійов, не признавать незалежность Косова.

(Медвідь, TASR)