Косовскый премєрь Албін Курті обвинив вчера Сербію з пробы зобрати часть Косова. Высловив то  у звязку зо стріляням, при котрім серьбскы озброєнці перед роком проникли на косовску теріторію і забили поліцайта. То звышыло напятя меджі обома странами. Інформувала о тім аґентура AP. Подля Куртого бы меджінародне сполоченство мало тискати на Белеград, абы выдав Косову озброєнців, котры ся 12 годин скрывали в серьбскім православнім монастырю в селі Банйска і наслідні ся стягли до Серьбії. (TASR, Pkf)