Лідер британьской опозичной Лейбрістичной партії Джеремі Корбен высловив пересвідченя о тім, же ся му в припаді волебной перемогы в децембровых предчасных парламентных вольбах подарить досягнути одклад брехіту з цільом выдіскутовати новый договор о одході Британії з Европской унії. Інформувала о тім станіця Sky News. Корбын в дебаті про  Sky News повів, же абсолвовав дебаты з многыма представителями EÚ, главами штатів і влад членьскых країн і главным выєднавачом  EÚ про брехіт Міхаелом Барнєром. Председа Европской комісії Жан-Клод Юнкер высловив похыбности у звязку з Корбеновым поступом. Як Юнкер повів в дебаті про BBC, „говорю прямо, недумам собі, же є то реалістичный приступ.“  (TASR, Pkf)