Російскый конштітучный суд в понедільок схвалив конштітучны зміны, котры презідентови Владимірови Путінови уможнюють зістати при властях ай по 2024-го року. Інформовала о тім аґентура Associated Press. О змінах ся іщі буде голосовати в референдумі, котрый є напланованый на 22-го апріля. Минувшый тыждень зміны схвалили обидві палаты російского парламенту. Путін бы за сучасной леґіслатівы вже не міг кандідовати на презідента в році 2024, бо суть дозволены максімално два функчны періоды по собі, но зміны конштітуції бы му то вынуловали.  Зміны обсягують і спомянутя Бога в конштітуції, ці заказ манжелства про особы єднакого полу.

(Медвідь, TASR)