Польскый премєр Доналд Туск в понедільок оголосив, же комуналны і реґіоналны вольбы в країні одбудуть ся в апрілю. Будуть пробов підпоры про нову проевропску коаліцію лем пів рока по парламентных вольбах, пише аґентура Associated Press. Кабінет Доналда Туска наступив влони в децембрі з приобіцяньом, же обновлять значіня і права старостів і самосправ, што попередня влада намагала ся обмеджіти. Туск в понедільок повів, же має надію, же апріль буде про актівістів самосправы добрым місяцьом. Перше коло волеб буде 7-го, а друге 21-го апріля. Туск передтым стрітив ся з презідентом Анджейом Дудом, з котрым подля своїх слов глядав области, в котрых бы наперек острым політічным незгодам могли співпрацовати в інтересі цілой Польщі.

(Медвідь, TASR)