В містї Берегово в Закарпатьскій области на Українї обновлюють воєньску базу, яку заперли в роцї 2003. Подля телевізії – 112 Україна – іде о проявлїня збівшуючой ся напружености в білатералных одношінях Україны з Мадярьском. Одношіня меджі країнами досягли екстремно низку уровень в осени в роцї 2017, коли україньска влада завела контроверзный языковый закон. Україна там хоче поселити блокы 128. горьской бріґады і 10. горьской уточной бріґады. Курто перед голосаванём містьской рады о обновлїню базы в Берегові, мадярьскый міністер загранічных дїл Петер Шійярто выядрив обавы з того плану, в рамках котрого бы до того реґіону, де жыє релатівно найбівша часть етнічных Мадярів на Українї, пришло коло 800 україньскых вояків. Подля нёго є высвітлїня Україны, же база має вартовати беспечность країны дуже знепокоююче. Увів, же офіціалне одвоводнїня намыкать, же україньска влада поважує містну мадярьску комуніту за грозьбу про Києв – а тота скуточность є подля нёго брыдка.
(TASR, Цітрякова)