Кітайскый презідент Сі Тін-пхын і французьскый презідент Еммануел Макрон в середу выголосили, же парізьскый кліматічный договор є „немінный“. Їх слова приходять по тім, як Споєны штаты тот тыждень офіціално оголосили одступліня од того світового договору. Інформовала о тім аґентура AFP. У сполочнім выголошіню обидвох лідрів в Пекіні ся пише, же презіденты знова потвердили, „свою певну підпору про парізьскый договор, котрый беруть за неминучій процес і компас про тверды крокы в области клімату“. Макрон без того, жебы прямо спомянув Споєны штаты, доповнив, же „одсуджує рішіня іншых“.

(Медвідь, TASR)