Кеня в середу признала Косово як незалежну державу, як перша країна од септембра 2020-го року, кедь його незалежность признав Ізраїль. Інформовав о тім косовскый експрезідент Бегджет Пацоллі. Інформує о тім аґентуры Retuers. Рішіня Кені признати Косово оголосив Пацоллі на своїй фесбуковій сторинці і підчеркнув фотоґрафії з кеньскым презідентом Вільямом Рутом, котрый на них підписує документ о признаню Косова. Косово є в бівшости обсаджене етнічныма Албанцями і незалежность од Сербії выголосило в року 2008. Про незгоду Сербії і єй прихильників лідрів включно Росії і Китая, котры суть постійныма членами Безпечностной рады OSN, не є членом Орґанізації обєднаных націй. (TASR, Pkf)