Сітуація в Казакстанії у звязку з напятям, котре взникло минулый тыждень по протестох протів высокым цінам бензіну і нафты, є стабілізувана. Днесь то ознамив пресовый одбор казашского Выбору про народну безпечність (KNB), інформувала аґентура TASS. Выбор дале інформує, же подля оператівных штабів ся подарило елімінувати ‟терорістічне загрожіня і были вызволены вшыткы адміністратівны обєкты в містах Алма-Ата, Кизилорда, Талдікорґан і Тераз, котры оволоділи терорісты. Казашскы уряд окрім того днесь інформували, же в часі напятя арештовали в країні коло 8000 людей. Казашска влада напятя означіла за атак ‟терорістічных ґруп‟, і єдночасно высловила неспокій з тым, як заграничны медія інформували о сітуації, котра ся одбыла минулый тыждинь в країні, пише аґентура AFP. (TASR, Pkf)