Америцькый презідент Йое Біден ознамив, же стягне свою кандідатуру на місце презідента США і небуде ся уходити о зновузволіня. Єдночасно повів, же підпорує віцепрезідентку Камалу Гаррісову як номінантку Демократічной партії до тогорічных презідентьскых волеб. Републіканьскый кандідат на презідент США Доналд Трумп выголосив, же віцепрезідентку Камалу Гаррісову буде легше поразити як урядуючого презідента Йоеа Бідена. Председове орґанізацій Демократічной партії у вшыткых 50 штатох США підпорують віцепрезідентку як нову кандідатку о номінацію на презідентьску функцію намість дотеперішнього шефа Білого дому, котрый ся вздав кандідатуры.  Презідентьскы вольбы в США одбудуть ся 5-го октобра того року. (TASR, Pkf)