Бывшый америцькый віцепрезідент Йоен Біден вчера офіціалні прияв номінацію Демократічной партії на презідента Сполученых штатів. Інформувала о тім BBC. В битві о Білый дом 3-го новембра ся стрітне Біден в презідентьскых вольбах з днешнім републиканьскым презідентом Доналдом Трампом, котрый ся буде претендувати о зновузволіня. У своїм акцептачнім выступліню Біден повів, же Сполучены штаты прожывають єдно з найтяжшых періодів у своїй істроії, котрому домінує коронавірус і найгоршы расовы отрасы  од 60-ых років. Як ся Біденові в новембровых вольбах подарить перемочі, у своїх 77 роках ся стане найстаршым новозволеным презідентом в історії Сполученых штатів. (TASR, Pkf)