З роглядні при чеськім селі Марквартіце в окресі Дечін  вчера вечур пало вісем дітей. Четверо з них суть барз тяжко пораненых, дальшы четверо мають середньо-тяжке пораніня. На місці засяговали захранарьскы гелікоптеры з Прагы і Ліберца, як і пять часті гасічів. Подля крайского говорцю захранной службы ішло о дітей у віці вісем аж 13 років, котры брали участь на недалекім дітьскім таборї. На розглядні Тріанґел ся подля поліції находило 15 дітей. Кріміналісты на місці досліджують, як діти з розглядні пали і ці на місці была особа, котра мала на них дозерати, повіла поліцайна говоркыня. На плошину є дозволеный вступ штирьом доспелым особам вєдно.  Вступ на споминану розглядню є на властне різіко. Выглядкова вежа находить ся на березі асі 2,5 кілометра од Марквартіц. Іде о деревяну конштрукцію і достати ся на єй плошину є мож по драбині. (TASR, Pkf)