Ческый презідент Мілош Земан в понедільок у своїм посліднім рождественнім прояві означів за найвызначнішу подію того року російску аґресію на Україні. Высловив надію, же Росія терітурію Україны опустить. Єдночасно попрощав ся з гражданами, кедьже в слідуючім році кінчінть му другый функчный період. Земан біланцовав свій 32-річный період в політіці. По наступліню до презідентьской функції в 2013-ім році вырішыв перенести традічный новорічный прояв з 1-го януарана 26-го децембра, што пояснив так, же хотів надвязати на чехословацького презідента Томаша Ґаріка Масарика і його проявы в періоді 1-ой Чехословацькой републікы.

(Медвідь, ТASR)