Чеськый презідент Мілош Земан не є способный выконовати жадны робочі обовязкы. В понедільок то на пресконференції повів председа Сенату Мілош Вістырчіл на основі інформацій Централного воєньского шпыталю, де є Земан госпіталізованый. Проґноза здравотного стану презідента є оціньована як крайно неіста. Можность вернути ся ку обовязкам є мала, повів председа Сенату. Веджіня Сенату твердить, же моментално не є можный іншакый поступ як актівовати статю 66 конштітуції Чеськой републікы, на основі чого перейдуть права презідента на премєра і председу Посланецькой сеймовні. Днесь о тім мають їднати представителі Сенату з председами партій в Сеймовні.

(Медвідь, TASR)