Зновузволіня Мілоша Земана за презідента Чехії неовпливнить прямо ани фінанчны ринкы, ани економіку. Аналітиці шак очікують, же інвесторы будуть уділяти дальшому внутрополітичному вывою в Чехії значну увагу. Перемога урадуючого голову штату в презідетскых вольбах 2018 може напомочі і експорту на выходны рынкы, твердять одборниці. За словами Боріса Томчяка, економа сполочности Фінлорд, Мілош Земан с найбівшов правдоподобностьов буде продовжувати в тісных звязках с Россійов і Чайнов, з чого будуть профітовати головно велыкы сполочности. Про малы і середні подникы в Чехії є омного важніша підпора внутрішнього спотребітельского рынку і выужываня европскых дотацій. Покы Земан буде пропаґувати Чехію на Выході, так буде добрі, абы влада країны пропаґувала Чехію знова на Западі, додав.
(ТАSR)

Фото: TASR/M. Erd