Київ є ближе ку кінцю войны з Російов, выголосив україньскый презідент Володимір Зеленьскый в понедільок публікованім розговорі про ABC News. Додав, же подля нього „сьме ближе ку міру, як собі думаме“. В розговорі вызвав Вашінґтон і далшых партнерів, жебы і далше підтримовали його країну. Зеленьскый уточнив, же лем із „міцной позіції“ може Україна тискати на російского презідента Владиміра Путіна, жебы „заставив войну“. США і їх союзници од початку російской інвазії дали Україні поміч в сумі дакілько міліард евр і єдночасно дали на Москву дакілько серій санкцій.

(Медвідь, TASR)