Україна буде в будучности про себе вырабляти вшыткы потребны збранї. В україньскім парламентї то з нагоды Дня конштітуції в середу выголосив презідент Володимир Зеленьскый. TASR справу перевзяла з аґентуры DPA . ,,Нашы вояци будуть мати збранї все,“ призвуковав Зеленьскый. Подля ёго слов буде мати Україна в будучности достаточно силный збройный промысел на успокоїня потреб своёй армады, наморництва, лїтецьтва і кібернетічных сил. Дотеперь то быв Запад, котрый посылав Українї воєньску поміч – ракеты, танкы, сістемы противоздушной обраны ці муніцію.

(TASR, Шутіова)