Україньскый презідент Володимір Зеленьскый днесь на саміті G20 выголосив, же не буде підписаный жаден „третій Міньскый договор“. „Не дозволиме Росії чекати, будовати свої силы і пак зачати нову серію терору і дестабілізації світа,“ повів Зеленьскый з тым, же третій Міньскый договор, котрый Росія такой порушыть, не буде. Непрямо так бісідовав о двох Міньскых договорах меджі Російов і Українов о штатуті выходоукраїньского реґіону Донбас. Подля говорцю Кремля Дмитрія Пескова тым Київ ясно назначів, же не є охотный їднати з Москвов. Два Міньскы договоры были підписаны в роках 2014 і 2015, на їх основі было становлене переміря на Донбасі меджі проросійскыма сепаратістами і україньсков армійов. Київ і Москва ся взаємно цілый час обвиньовали з порушованя переміря.

(Медвідь, ТASR)