Україньскый презідент Володимир Зеленьскый у четверь підписав зо своїм латвійскым колеґом Едґарсом Рінкевічсом десятьрочный білатералный безпечностный договор, увів то на соціалній сїтї X. TASR о тім пише на основі справы аґентуры AFP. Дале додав, же подля договору буде Ріґа воєньскы підпоровати Кієв у вышцї 0,25 процента свого грубого домашнёго продукту. Латвія ся тыж завязала десять років помагати Українї в области кібернетічной охраны, одмінованя а безпілотных технолоґій. Поміч Українї потвердив і літовскый презідент Ґітанас Науседа. Тот увів, же Літва ,,є досправды одгодлана зробити вшытко про то, жебы додала Українї потребне выбавлїня“.

(TASR, Шутіова)