Україньскый презідент Володимир Зеленьскый у четверь заказав комерчный довоз книжок з Росії. TASR о тім інформує подля порталу брітаньской телевізії Sky News. ,, Єм пересвідченый, же тот закон є правилный,“ написав Зеленьскый на платформі Телеґрам. Потвердив, же підписав пропозіцію закона, котрый заказує і комерчный довоз книжок выдрукованых в Білоросії а на україньскых теріторіях окупованых Росіёв. Пропозіцію закона україньскый парламент схвалив перед роком, таксамо выжадує шпеціалне поволїня на довоз книжок в російскім языку з третїх країн. Україна одбывать процес ,,дерусіфікації“, як го сама называть. Арґумeнтує, же треба зрушыти сторочну політіку, котра была напрямена на знищіня україньской ідентіты.

(TASR, Шутіова)