Україньскый презідент Володимир Зеленьскый пришов днесь до Будапещті на самміт Европского політичного сполоченьства (EPC) на позваня мадярьского премєра Віктора Орбана і кінчаючого председу Европской рады Харлеса Міхела. Інформує о тім мадярьскый сервер hvg.hu. Україньскый презідент вірить, же дана подія буде місцем важных діпломатічных їднань. На 5-ый самміт EPC пришли главы штатів і председове влад 47 країн Европы, з котрых 26 лідрів членьскых країн Европской унії вєдно словацького премєра Роберта Фіца остануть в пятницю на неформалный самміт Унії. На споминанім самміті будуть участны і британьскый премєрь Кеіро Стармер і турецькый презідент Рецепо Таииіп Ердоґан. (TASR, Pkf)