Україньскый презідент Володимір Зеленьскый по успіхах офензівы Києва намагать ся здобыти довіру людей, котры зістали на Російов окупованых теріторіях. Як презідент повів в понедільок вечур в реґуларнім відео приговорі, російскы пропаґандісты пересвідчують людей, же Україна буде майже каждого, хто зістане на обсадженій теріторії, брати за колаборанта. За словами Зеленьского тот, хто не служыв Росіянам, не має чого бояти ся. Підкреслив, же підпора, котру населіня проявлює окупантам, є лем „унікатна“, а то наперек тому, же під окупачнов справов затля находять ся „стовкы тісяч“ людей.

(Медвідь, TASR)