Україньскый презідент Володимір Зеленьслый навщівив у понедільок Іспанію. На аеропорті привітав го і іспаньскый краль Філіп VI., інформовав денник El País. Зеленьскый з іспаньскым премєром Педром Санчезом підписав білатералный безпечностный договор, в рамках котрого будуть реалізовати ся додавкы воєньского выбавліня на Україну. Мадрід має додати Києву сістемы противоздушной обороны Patriot, танкы Leopard і муніцію до артілерії калібру 155 міліметрів, котру Україна у войні хоснує в найвекшій мірі. Іспанія і далше буде цвічіти україньскых вояків а старати ся о зраненых вояків. Днесь є Зеленьскый на навщіві Белґії.

(Медвідь, TASR)