Україньскый презідент Володимір Зеленьскый в понедільок пожадав Німецько о векшу підпору Києва у войні. Зробив то почас стрічі з німецькым опозічным лідером а кандідатом на канцеларя Фрідріхом Мерцом, котрый веде в баданях перед фебруаровыма передчасныма вольбами. Зеленьскый повів, же чекають од нього особно веце рішучі крокы, і же на то Україна справды сполігать. Так само припомянув жадость Україны о позваня до НАТО і додавку німецькых ракет довгого досягу. Лідер німецькой CDU Мерц навщівив Київ тыждень по канцеларьови Олафови Шолцови. Обидвоми приобіцяли Україні силну підпору, но Мерц в минулости твердив, же Берлін бы мав послати силнішу зброю.

(Медвідь, TASR)