Україньскый презідент Володимір Зеленьскый у віторковім відеоприговорі вызвав Европску унію, жебы штонайскоріше прияла далшый паклик санкцій односно Росії, котра 24-го фебруара напала на Україну. Інформацію принесла аґентура DPA. Приятя за порядком семого санкчного паклика Европской унії односно Росії є потрібне штонайскоріше, повів Зеленьскый. Додав, же то акцентовав і почас віторковых розговорів з премєрами веце европскых держав. Подля україньского презідента Росія мусить чути роснучій тиск проти войны і їй аґресівной протиевропской політікы. Зеленьскый так само жадать далшы додавкы зброї про Україну, котра ся боронить.

(Медвідь, TASR)