Збор волителів в Споєных штатах в понедільок вечур містного часу закінчів голосованя по тім, што резултаты як останій штат наголосив і Гавай, і за америцького презідента так 306-ма голосами ку 232-ом потвердив Джоа Байдена. Тот потребовав на перемогу найменше 270 голосів волителів. Інформовала о тім в ночі аґентура Associated Press. Збор волителів, котрый формално волить презідента США на основі резултатів новембровых волеб, ся зышов у окремых штатах вчера. Резултаты голосованя Збору волителів будуть загнаны до Вашінґтону і 6-го януара їх на сполочнім засіданю потвердять членове обидвох палат америцького Конґресу. Інавґурація Байдена, за порядком 46-го америцького презідента, одбуде ся 20-го януара.

(Медвідь, TASR)